Во просториите на ЈОУДГ „Бамби“ – Македонска Каменица, на 07. Јуни 2019 година во петок, со почеток од 09:30 часот, ќе се одржи завршната приредба на дечињата од претшколска возраст.
Со богата и разновидна програма под наслов „Збогум градинке – Здраво училиште“ секое од дечињата ќе настапи пред своите родители со своја детска уметничка точка. На манифестацијата се поканети да присуствуаат сите родители и роднини на дечињата, со што ќе имаат можност да уживаат во изведбите на уметничките точки на своите дечиња.