ПРОМЕНИ СТАВ БИДИ ЗДРАВ

Во рамки на заедничкиот настап на здружението „Еднакви за сите“ – Кочани и ЕД „Здравец 2002“ – Македонска Каменица, децата од Детската градинка „Бамби“ во Македонска Каменица имаа можност да се запознаат со корисни навики во однос на правилниот и здравиот начин во исхрана и балансот со постојаните физички активности.

На дечињата преку излагањата на присутните предавачи им беа изложени повеќе поенти и насоки за правилно водење грижа за начините на исхрана во секојдневието. На тоа се надополнија и укажувањата дека, тоа сепак и не е доволно за здрав живот. Туку, дечињата мораат повеќе време да бидат физички активни преку детски друштвени игри, односно да го намалат врменскиот интервал кој во текот на денот го поминуваат пред телевизор, компјутер, таблет или телефон.

Со ова, детската градинка „Бамби“ на непосреден начин се обидува децата уште од најмали нозе, кога е и најпотребно, да ги правилно насочи кон здрав и правилен развој. Вакви наставни работилници се предвидени во текот на новата училишна година, кога установата и преку секојдневни активни работилници од страна на својот воспитно-негователски тим интензивно работи на тој план.

Leave a Reply

Your email address will not be published. Required fields are marked *